முஹர்ரம் புது வருடத்தை முன்னிட்டு சம்மாந்துறை மேசன் தொழிலாளர் சங்கம், சம்மாந்துறை பிரதேச சபையுடன் இணைந்து நம்பிக்கையாளர் சபையின் மையவாடிகளுக்குப் பொறுப்பான நிர்வாகிகளின் பங்குபற்றலுடன் ஏற்பாடு செய்த சிரமதானம் மஸ்ஜிதுல் சலாம் ஜும்மா பள்ளிவாசல் மையவாடி வளாகத்தில் இன்று சனிக்கிழமை இடம்பெற்றது.

இதில் சம்மாந்துறை பிரதேச சபையின் செயலாளர் எம்.ஏ.கே. முஹம்மட், மேசன் தொழிலாளர் சங்கத்தின் தலைவர் ஏ.வீ.ஹஸன், சம்மாந்துறை மேசன் தொழிலாளர் சங்கத்தின் செயலாளர் எச்.எம்.சல்பியார், சம்மாந்துறை மேசன் தொழிலாளர் சங்கத்தின் பொருளாளர் எஸ்.ரீ.அப்துல் சலாம், மஸ்ஜிதுல் சலாம் ஜும்மா பள்ளிவாசல் தலைவர் ஐ.எல்.எம். பரீட், பள்ளிவாசல் நம்பிக்கையாளர் சபை முக்கியஸ்தர்கள், மேசன் தொழிலாளர் சங்க உறுப்பினர்கள், பிரதேச சபை ஊழியர்கள் உள்ளிட்ட பலர் கலந்துகொண்டார்.

மையவாடி வாளாகம் மரங்கள் மற்றும் பற்றைக்காடுகள், புல்பூண்டுகள் வெட்டப்பட்டு தூப்புரவு செய்யப்பட்டது.